伫都市流浪
作者：李长青
时间是无形兮刀
将阮兮青春
剖出一大爿黑白分明兮叔莫
是m7是故乡兮月娘khah光？
抑是庄跤兮路
khah暗兮关系？
抑是因为阮伫都市出外
m7捌（bat4）详细看过大楼顶悬
陪伴阮作暝班兮月娘
思念是无情兮剑
将离乡兮日子
削作一片一片破碎兮哀情
散落伫阴沉兮都市内底
伫无侬兮街—a 路，伫闹热兮车头前
伫深夜兮咖啡馆……
一切渐渐深埋
伫阮无想卜讲话兮心内
是m7是故乡兮月娘khah圆？
抑是庄跤兮亲成khah真情兮关系？
抑是因为阮
伫都市流浪
渐渐失去当初时
少年兮情怀kap志愿
失去单纯兮心……